«Адамгершілік – асыл қасиет»

«Адамгершілік – асыл қасиет» тақырыбында сынып сағаты.

Қай заманда болмасын бала тәрбиесі кезек күттірмейтін мәселе. Баланың тәрбиесі отбасында және мектеп қабырғасында қалыптасады. Сондықтан мектеп пен ата-ана ынтамақтастығы үлкен рөлге ие. Ұстаз бен ата-ана бірлесе отырып, баланың жан-жақты тұлға болып қалыптасуына зор ықпал жасай білсе, келешектің кемел болары сөзсіз. Бала тәрбиесінің бастауы – адалдық. Адамды сыйлау, ізеттілік пен кішіпейілділікке, әділдік пен қанағатшылыққа, сыбайлас жемқорлыққа төзбеу мәдениетін, еңбексүйгіштікке, оқуға, еңбекке, өмірге жасампаздықпен қарауға тәрбиелеу мақсатында «Адамгершілік – асыл қасиет» тақырыбында сынып сағаты өтті. Сабақта оқушылар мақал - мәтелдермен, ырым- тыйымдармен топқа бөлініп жарысты. Сұрақтар қойылды, слайдта көрсетілген суреттерден әнгіме құрастырды.

Қорытындылай келе балаларды әдептілік, үлкенді сыйлау, кішіге қамқорлық жасау кез келген адамның бойында қалыптасатын ерекше бір қасиет екендігі айтылды. Жеке  басымызды ойлайтын жаман қасиеттерден аулақ болайық! Жақсы қасиеттерді ғана бойымызға дарытайық деп, сағатын  өлең шумағымен  аяқталды.